Fréttir

Árlegur farskóli FÍSOS fór að þessu sinni fram í Amsterdam dagana 10. – 13. október. Fjórir starfsmenn safnsins fóru á farskólann og sóttu ýmis konar söfn heim og fræddust um fjölbreytta starfsemi þeirra, þ.á.m. sýningar og sýningagerð, varðveislurými, forvörslu og fræðslu.

Bjóðum öll velkomin á Rökkurgöngu í Glaumbæ þann 10. desember! Safnið og kaffihúsið verður opið milli kl. 15 og 17 en sögustund í baðstofunni hefst um kl. 15:20. Við hvetjum fólk til þess að mæta með góða skapið og vasaljós, hlökkum til að sjá ykkur!

Bjóðum öll velkomin á aðventugleði í Glaumbæ sunnudaginn 3. desember kl. 16-18. Útgáfuhóf bókarinnar "Vetrardagur í Glaumbæ" og sýningaropnun samnefndrar sýningar verða í Áshúsi þar sem hægt verður að skoða bókina og virða fyrir sér teikningar og málverk eftir Jérémy Pailler. Þá verður líf og fjör á safnsvæðinu.

Við vekjum athygli á útgáfuhófi bókarinnar „Á elleftu stundu“ eftir Kirsten Simonsen í fyrirlestrarsal Þjóðminjasafns Íslands á morgun, föstudaginn 3. nóvember kl. 14.

Á laugardaginn var metaðsókn á hrekkjavöku í Glaumbæ þegar um 300 gestir komu til að upplifa hrollvekjandi stemmningu í gamla bænum, gæða sér á skelfilega girnilegum veitingum og föndra skuggalega hluti í Áshúsi.

Þá er upptakan frá málþinginu um Torfarfinn, sem haldið var þann 4. september síðastliðinn, komin í loftið! / The recording from the symposium about the turf heritage is now available online!

Það verður hryllilega gaman í Glaumbæ laugardaginn 28. október frá kl. 18-21.

Mikið var um dýrðir hjá Fornverkaskólanum nú í september, en tvö námskeið voru haldin í torfhleðslu, annað á Tyrfingsstöðum og hitt á Syðstu-Grund.

Málþingið Torfarfurinn - Varðveisla byggingarhandverks verður í Kakalaskála í Skagafirði þann 4. september næstkomandi. Hér má sjá dagskrána og skráningin er hafin. / The symposium The Turf Heritage - The Preservation of Traditional Building Methods will be held in Kakalaskáli in Skagafjörður on September 4th. The program has been published here and registration started.

Við erum öll eins og við erum. Byggðasafn Skagfirðinga stendur stolt með hinsegin fólki, nú eins og alltaf, og óskar öllum gleðilegra hinsegin daga! / We are all as we are. The museum proudly stands with queer people, now as always, and wishes everyone happy pride!