Fréttir

Við óskum landsmönnum öllum gleðilegs nýs árs og þökkum gestum, samstarfsfólki og velunnurum fyrir árið sem var að líða. Starfsfólk Byggðasafns Skagfirðinga hefur haft í nógu að snúast enda gestafjöldinn aldrei verið meiri en safnið tók á móti 65.437 manns árinu.

Á dögunum kom út skýrsla á vegum Byggðasafns Skagfirðinga, sem fjallar um uppistandandi torfhús í fyrrum Seylu-, Akra-, og Lýtingsstaðahreppi. Verkefnið var unnið fyrir styrk frá Minjastofnun Íslands og er hluti af heildarskráningu uppistandandi torfhúsa í Skagafirði.

Byggðasafn Skagfirðinga hlaut í ár alls 1.300.000 króna styrk úr Uppbyggingarsjóði Samtaka sveitarfélaga á Norðurlandi vestra 2023 en upphæðin samanstendur af styrkjum til tveggja verkefna.

Harpa Þórsdóttir þjóðminjavörður, Ágústa Kristófersdóttir framkvæmdastjóri safneignar Þjóðminjasafnsins og Þorbjörg Gunnarsdóttir framkvæmdastjóri fjármála- og þjónustu, heimsóttu Byggðasafnið í dag.

Við tókum þátt í einstaklega skemmtilegu samstarfsverkefni í tilefni af 120 ára afmæli Eyþórs Stefánssonar í fyrra sem frestaðist vegna heimsfaraldurs og fór nú loksins fram í Frímúrarahúsinu þann 13. nóvember sl.

Ásta Hermannsdóttir fornleifafræðingur hefur verið ráðin sem deildarstjóri fornleifadeildar Byggðasafns Skagfirðinga. Undanfarin ár hefur Ásta starfað sem verkefnastjóri stefnumótunar og miðlunar hjá Minjastofnun Íslands. Ásta bjó í eitt ár í Skagafirði, 2019-2020, og var þá með starfsstöð á skrifstofu Minjastofnunar í Villa Nova á Sauðárkróki, og kynntist því góða samfélagi sem í Skagafirði er.

Byggðasafn Skagfirðinga í samstarfi við Fornleifastofnun Íslands vinnur að rannsókn á verstöðvunum (Hafnabúðum, Piltabúðum og Rifsbúðum) á Höfnum á Skaga. Þar er fjöldinn allur af minjum (hátt í 100), mest um sjósókn en einnig um landbúnað. Þarna gætir líka töluverðs landbrots af völdum sjávar og er sá hluti minjanna sem er alveg við sjávarbakkann, í mikilli hættu af þess völdum.

Nú er komin út handbók úr OWHL verkefninu sem Byggðasafn Skagfirðinga tók þátt í. Sjö söfn og menningarstofnanir voru aðilar að verkefninu. / A handbook from the OWHL project in which Bygðasafn Skagfjörður took part has now been published. Seven museums and cultural institutions were members of the project.

Nú um helgina hélt Byggðasafnið hrekkjavöku í annað sinn við góðar móttökur en mikil gleði ríkti meðal bæði starfsmanna safnsins og gesta. Þökkum ykkur kærlega fyrir komuna og við vonum að þið hafið skemmt ykkur vel!

Það verður hryllilega gaman í Glaumbæ laugardaginn 29. október frá kl. 18-21!