Fréttir

Þökkum góðar viðtökur á barnabókum safnsins, Vetrar- og Sumardegi í Glaumbæ, á bókahátíðinni í Hörpu um helgina! Það var frábært að finna hve mörg höfðu áhuga á bókinni og safninu og skemmtilegt að fá að taka þátt í þessum viðburði.

Í gær á ársfundi Minjastofnunar Íslands 2023, veitti stofnunin Fornverkaskólanum í Skagafirði sérstaka viðurkenningu fyrir framlag þeirra til varðveislu á fornu byggingarhandverki.

Vetrardagur í Glaumbæ er nú komin úr prentun en útgáfuhóf bókarinnar og sýningaropnun samnefndrar sýningar verða í Áshúsi sunnudaginn 3. desember. Bókin er ríkulega myndskreytt framhald sögunnar Sumardagur í Glaumbæ en í sögunni er Glaumbær sveipaður vetrarbúningi og við fylgjumst með Jóhönnu, Sigga og heimilishundinum Ysju við jólaundirbúning.

Í lok síðustu viku fengum við góða heimsókn frá Atvinnu-, menningar- og kynningarnefnd. Starfsfólk safnsins sýndi þeim og sagði frá hinum ýmsu hliðum í starfsemi safnsins.

Árlegur farskóli FÍSOS fór að þessu sinni fram í Amsterdam dagana 10. – 13. október. Fjórir starfsmenn safnsins fóru á farskólann og sóttu ýmis konar söfn heim og fræddust um fjölbreytta starfsemi þeirra, þ.á.m. sýningar og sýningagerð, varðveislurými, forvörslu og fræðslu.

Við vekjum athygli á útgáfuhófi bókarinnar „Á elleftu stundu“ eftir Kirsten Simonsen í fyrirlestrarsal Þjóðminjasafns Íslands á morgun, föstudaginn 3. nóvember kl. 14.

Bjóðum öll velkomin á aðventugleði í Glaumbæ sunnudaginn 3. desember kl. 16-18. Útgáfuhóf bókarinnar "Vetrardagur í Glaumbæ" og sýningaropnun samnefndrar sýningar verða í Áshúsi þar sem hægt verður að skoða bókina og virða fyrir sér teikningar og málverk eftir Jérémy Pailler. Þá verður líf og fjör á safnsvæðinu.

Bjóðum öll velkomin á Rökkurgöngu í Glaumbæ þann 10. desember! Safnið og kaffihúsið verður opið milli kl. 15 og 17 en sögustund í baðstofunni hefst um kl. 15:20. Við hvetjum fólk til þess að mæta með góða skapið og vasaljós, hlökkum til að sjá ykkur!

Á laugardaginn var metaðsókn á hrekkjavöku í Glaumbæ þegar um 300 gestir komu til að upplifa hrollvekjandi stemmningu í gamla bænum, gæða sér á skelfilega girnilegum veitingum og föndra skuggalega hluti í Áshúsi.

Þá er upptakan frá málþinginu um Torfarfinn, sem haldið var þann 4. september síðastliðinn, komin í loftið! / The recording from the symposium about the turf heritage is now available online!