21.05.2021
Ærsladraugur á Alþjóðlega safnadeginum?
Við þökkum öllum fyrir sem "mættu" á rafræna viðburðinn okkar þann 18. maí í tilefni af Alþjóðlega safnadeginum! Gaman er að segja frá því að þemað í ár var "Framtíð safna – Uppbygging og nýjar áherslur" og voru söfn hvött til að skoða þá fjölbreyttu rafrænu möguleika sem í boði eru til að miðla, fræða og skemmta. Af þessu tilefni ákváðum við hjá Byggðasafninu að spreyta okkur á "Facebook Live" og vera með viðburð þar sem yrði beint streymi frá leiðsögn um gamla bæinn. En það gekk aldeilis ekki áfallalaust!