Fréttir

Laugardaginn sl. tók Byggðasafn Skagfirðinga þátt í Opnu vísindahúsi, á vegum Háskólalestarinnar, í Árskóla. Það var frábært að fá að taka þátt sem hluti af vísindasamfélaginu í Skagafirði og við þökkum kærlega fyrir okkur!

Úthlutun úr safnasjóði fór fram í Myndasal Þjóðminjasafns Íslands í gær, 16. apríl, að viðstöddu fjölmenni þar sem styrkþegar tóku á móti viðurkenningarskjölum. Byggðasafn Skagfirðinga hlaut alls 7 milljón króna styrk úr Safnasjóði.

Fróðlegt kynningarmyndband um væntanlegt menningarhús á Sauðárkróki sem frumsýnt var á setningarathöfn Sæluviku Skagfirðinga.

Velkomin í Glaumbæ um páskana! Opið verður hjá safninu 2.-6. apríl kl. 12-16 alla daga!

Þar sem heitar umræður hafa spunnist um byggingu menningarhúss í Skagafirði finn ég mig knúna til að greina frá því hvaða þýðingu þessi framkvæmd hefur fyrir starfsemi Byggðasafns Skagfirðinga.

Úthlutun úr fornminjasjóði 2026 liggur nú fyrir en 29 verkefni, af 83 sem sóttu um, fengu úthlutað úr sjóðnum, að heildarupphæð 93.700.000 kr. Byggðasafn Skagfirðinga hlaut alls 15.600.000 kr í styrk fyrir þrjú verkefni.

Úthlutun úr húsafriðunarsjóði 2026 liggur nú fyrir en 218 verkefni, af 271 sem sóttu um, fengu úthlutað úr sjóðnum að þessu sinni, að heildarupphæð 363.500.000 kr. Byggðasafn Skagfirðinga hlaut þar af 2.500.000 kr. fyrir verkefni Fornverkaskólans.

Opið verður í Glaumbæ í tilefni af verkefninu "Sunnudagar á safni". Markmið verkefnisins er að efla samstarf safna, setra og sýninga á Norðurlandi vestra og bjóða íbúum og gestum upp á sérstaka menningarupplifun yfir vetrartímann, þegar margir þessara staða eru annars lokaðir.

Hvatningarverðlaun CIE Tours til framúrskarandi fyrirtækja í ferðaþjónustu voru veitt við hátíðlega athöfn á veitingastaðnum MAR Seafood í Reykjavík í gær, 24. febrúar.

Miðvikudaginn 25. febrúar n.k. kl. 12 munu Ásta Hermannsdóttir, Lísabet Guðmundsdóttir og Lilja Björk Brinks flytja erindið Verbúðalíf á Höfnum á Skaga.