Fréttir

Eftir annasamt og viðburðaríkt sumar líður að því að safnið verði opið eftir samkomulagi, eða frá 21. október nk. Síðasti opnunardagur kaffihúsins í Áshúsi var í dag og hefur því verið lokað fyrir veturinn. Það sem af er ári hafa 60.173 manns heimsótt Glaumbæ, sem er fjölgun frá því í fyrra. Við færum gestum okkar hjartans þakkir fyrir komuna!

Fornverkaskólinn fékk nýverið upplýsingar um að verkefnið hafi verið notað sem dæmi um fyrirmyndarverkefni í samstarfsverkefninu NICHE-2 um óáþreifanlegan menningararf.

Athugið að kaffistofa safnsins í Áshúsi verður lokuð í næstu viku, 29. september - 3. október!

Í síðustu viku lauk uppgreftri á Höfnum á Skaga þetta árið. Margt spennandi hefur komið í ljós í ár; nýjar byggingar, gripir og mikið af beinum að venju.

Byggðasafn Skagfirðinga stendur fyrir þriðja málþinginu um torfarfinn föstudaginn 29. ágúst næstkomandi í Kakalaskála í Skagafirði, frá kl. 14-18, þar sem fjallað verður um torfarfinn frá ýmsum hliðum. 

Dagana 8.-12. september næstkomandi verður haldið tjörgunarnámskeið á Hólum í Hjaltadal í Skagafirði. Hópur handverksmanna frá Noregi er á leið til landsins til að leiðbeina og taka þátt í námskeiðinu, en viðfangsefni námskeiðsins verður að tjarga Auðunarstofu á Hólum.

Í tilefni af afmæli enska aðalsmannsins Mark Watson stendur Byggðasafn Skagfirðinga fyrir dagskrá í Glaumbæ 18. júlí.

Nú eru bæði námskeið Fornverkaskólans þetta árið orðin full. Við vekjum athygli á að hægt er að skrá sig á biðlista fyrir næstu námskeið á heimasíðu safnsins.

Frá og með 20. maí er safnsvæðið í Glaumbæ opið kl. 10-18 alla virka daga, hlökkum til að sjá ykkur!

Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.