Fréttir

Kl. 16 sunnudaginn 20. desember bjóða starfsmenn safnsins gestum að ganga í gamla bæinn í Glaumbæ eitt stundarkorn og njóta þess að vera til og hlakka til jólanna. Þetta er í 20. árið sem starfsmenn bjóða gestum að ganga með sér í bæinn og í tilefni af þvi mun hefðin aðeins brotin upp. Enginn aðgangseyrir.

Allar safnsýningarnar eru nú opnar eftir samkomulagi en sunnudaginn 20. desember verður gamli bærinn í Glaumbæ opinn 16-17 fyrir rökkurgöngu.

Miklar annir hafa verið hjá starfsmönnum safnsins í allt sumar og framundan er úrvinnsla gagna og skýrsluskrif, Fornverkaskólanámskeið á Tyrfingsstöðum, fornleifaskráningar, móttaka gesta, rannsókir, ljósmyndun safnmuna, skráning ljósmynda, fjárhagsgerð, styrkjaumsóknir og allt það sem tilheyrir haustinu.

Í síðustu viku hófst uppgröftur á 11 aldar kristnum grafreit í Keflavík í Hegranesi en á næstu vikum verða um 20 manns við fornleifa- og jarðfræðirannsóknir víða í Hegranesi. Rannsóknunum stýra Guðný Zoëga, John Steinberger og Douglas Bolender. Þau eru í forsvari fyrir Skagfirsku kirkju- og byggðasögurannsókninnni (Skagafjörður Church and Settlement Survey - SCASS), sem er samstarfsverkefni Byggðasafns Skagfirðinga og University of Massachusetts í Boston / The Fiske Center for Archaeological Research. SCASS-verkefnið felst í að samnýta rannsóknir safns og skóla til að öðlast betri skilning á búsetulandslagi á fyrstu öldum byggðar og varð Hegranesið fyrir valinu sem rannsóknarefni.

Uppbyggingarsjóður hefur tilkynnt um styrki til útgáfu rits um þrifnaðarhætti í torfbæjum sem unnið er að og til námskeiða Fornverkaskólans.

Sunnudaginn 17. maí n.k. er Íslenski safnadagurinn og mánudaginn 18. maí er Alþjóðlegi safnadagurinn. Það verður opið í Glaumbæ báða dagana frá kl. 10-16 og aðgangur er ókeypis. Áskaffi er opið frá 11-16 sömu daga. Allir velkomnir.

Í gær og í dag hafa Skagafjarðarveitumenn hreinsað upp úr lagnaskurði á safnsvæðinu í Glaumbæ í þeim tilgangi að leggja í hann nýjar lagnir. Við notuðum tækifærið og hreinsuðum kanta skurðarins, sem er um 60 cm djúpur, til að kanna hvaða heimildir hann hefði að geyma um mannvirki og mannanna verk. Guðmundur St. Sigurðarson, fornleifafræðingur, hefur verið í skurðinum í dag og hreinsað, teiknað, myndað, mælt og staðsett ýmiskonar leifar mannvirkja og mannlegra athafna.

Í maí er gestavakt á gamla bænum í Glaumbæ og Áshúsi milli 10 og 16 alla daga til 19. maí. Frá 20. maí til 20. september verður opið alla daga milli 9 og 18. Áskaffi er opið á sama tíma, nema 1.-19. maí en þá er kaffistofan opin 11-16. Sýningar og upplýsingaver í Minjahúsinu verða opin 12-19 alla daga frá 1. júní til 31. ágúst.

Búningar þeir sem hafa verið, og verða, til sýnis í Áshúsinu hafa verið klæddir á nýjar gínur sem fara vel með búningana.

Minjastofnun Íslands hefur úthlutað þremur styrkjum til Byggðasafns Skagfirðinga, samtals 5 millj. kr. úr Fornminjasjóði og Safnaráð hefur úthlutað safninu 3 millj. kr. í styrki úr Safnasjóði.