Fréttir

Starfsfólk Byggðasafns Skagfirðinga óskar öllum gleðilegrar hátíðar og farsældar á nýju ári 2018.

Hinn árlegi sögudagur á Sturlungaslóð verður laugardaginn 12. ágúst og er hann að þessu sinni helgaður endurútgáfu bókarinnar Á Sturlungaslóð sem hefur verið ófáanleg í mörg ár. Boðið er til málþings í Kakalaskála til kynningar á bókinni og munu fræðimennina doktor Árna Daníel Júlíusson, annar af textahöfundum bókarinnar, og Aðalheiður Guðmundsdóttir prófessor í miðaldabókmenntum við Háskóla Íslands, flytja fróðleg erindi. Málþingið hefst kl 16 og verða kaffiveitingar og umræður að því loknu. Aðgangur ókeypis.

Hreppsnefnd Akrahrepps ákvað að styrkja Tyrfingsstaðaverkefnið með 500 þús. kr. framlagi til viðgerða.

Í fyrsta sinn, eftir aldamótin 2000, fækkaði safngestum í júnímánuði um tæplega þúsund manns á milli ára. Júnígestirnir í fyrra voru yfir átta þúsund en nú eru þeir um sjö þúsund.

Samningi sem gerður var árið 2002 á milli Byggðasafns Skagfirðinga og Þjóðminjasafns Íslands um rekstur gamla bæjarins í Glaumbæ hefur verið sagt upp og stefnt er að gerð nýs samnings á nýjum forsendum.

Pökkun safnkosts Byggðasafns Skagfirðinga í Minjahúsinu á Sauðárkróki fer fram um þessar mundir, fyrir flutning safnsins úr Minjahúsinu. Síðastliðinn föstudag sótti Björn Sverrisson Ford A bifreið sína, árgerð 1930, sem hefur verið til sýnis í Minjahúsinu um árabil.

Byggðasafn Skagfirðinga hlaut styrki til tveggja verkefna úr Húsafriðunarsjóði. Annarsvegar 1, 5 millj. kr. til Tyrfingsstaðaverkefnisins og hinsvegar 500 þús. kr. til úrvinnslu torfrannsókna, sem felst í ritun og útgáfu væntanlegs 3. rannsóknarrits safnsins. Safnasjóður veitir safninu 2,5 millj. kr. í styrk á þessu ári.

Fornverkaskólinn heldur torfhleðslunámskeið á Tyrfingsstöðum dagana 26.-28. maí næstkomandi.

Hafinn er undirbúningur flutnings á starfsemi safnsins, sem verið hefur í Minjahúsinu, í annað húsnæði. Vegna þess hefur verið ákveðið að hafa safnsýningar þar og upplýsingarver lokuð í sumar.

Fornminjasjóður hefur úthlutað styrkjum til 24 verkefna. Tvö þeirra eru í Skagafirði, til byggða- og kirkjusögurannsókna Fornleifadeildarinnar.