Fréttir

Þorrinn er genginn í garð, margir stefna á að fara á þorrablót og því ekki úr vegi að fjalla örstutt um tímabilið. Í forníslensku tímatali var þorri fjórði mánuður vetrar, og hefst hann á föstudegi í 13. viku vetrar, nú á bilinu 19-25. janúar. Þann dag þekkjum við flest undir heitinu bóndadagur. Heiti mánaðarins þekkist í heimildum a.m.k. frá 12. öld en óvíst er um uppruna orðsins

Hefur þú velt því fyrir þér hvernig fólk brást við þegar veikindi og slys bar að garði fyrr á öldum? Læknisfræði hefur fleygt fram síðustu áratugi og nú finnst okkur sjálfsagt að hafa aðgang að lækni í nágrenninu þegar eitthvað bjátar á, en fram á síðari hluta 19. aldar voru sjö læknisembætti á Íslandi, auk landlæknis. Fyrir þann tíma þurftu flestir að reiða sig á eigið hugvit, alþýðuvisku og húsráð, sjálfmenntaða menn og „skottulækna“ til að bjarga lífi og limum.

Nú þegar daginn er tekið að stytta er ekki lengur opið á föstum opnunartíma í safninu. Við færum gestum okkar hjartans þakkir fyrir komuna í Glaumbæ og Víðimýri í sumar. Það sem af er ári hafa alls 42.128 manns lagt leið sína á báða viðkomustaði, 37.933 í Glaumbæ og 4.195 í Víðimýri.

Á sýningum og í geymslum Byggðasafns Skagfirðinga kennir ýmissa grasa, þar er m.a. að finna marga listilega útskorna gripi, innanstokksmuni sem og nytjahluti. Byggðasafn Skagfirðinga hefur nú birt tvær vefsýningar á menningarsögulega gagnasafninu Sarpi, annars vegar sýningu um útskurð og hins vegar um kistur.

Kvikmyndateymið MASH var við tökur í Byggðasafni Skagfirðinga í Glaumbæ nú fyrir helgi en þeir voru á vegum Félags safna og safnamanna (FÍSOS) sem hefur ráðist í að gera kynningarmyndband um söfn sem verður frumsýnt í haust. Um er að ræða annað myndbandið sem Físos lætur gera og er sjálfstætt framhald af öðru myndbandi sem birt var á Safnadeginum 18. maí síðstliðinn. Myndböndin bera yfirskriftina: „Komdu á safn!“

Sigríður Sigurðardóttir lét af störfum sem safnstjóri Byggðasafns Skagfirðinga um mánaðarmótin júní-júlí eftir farsælt starf hjá safnsinu undanfarna rúma þrjá áratugi, en hún var ráðin sem safnstjóri 1. ágúst 1987 fyrir nákvæmlega 31 ári.

Rannsóknir Skagfirsku kirkju- og byggðasögurannsóknanna fara nú fram í Hegranesi fjórða árið í röð. Í þetta sinn er hópurinn nokkru minni en undanfarin ár, eða 11 manns. Tilgangur rannsóknanna er að skoða aldur og dreifingu elstu byggðar í Hegranesi og tengsl byggðaþróunar við kirkjusögu svæðisins. Verkefnið er samstarfsverkefni Byggðasafnsins og fornleifarannsóknastöðvarinnar Fiske Center í UMass Boston.

Berglind Þorseinsdóttir hefur verið ráðin til starfa sem safnstjóri Byggðasafns Skagfirðinga frá og með 1. júlí 2018.

Góðir styrkir hafa fengist til hinna ýmsu verkefna á umliðnum árum. Samtals fær safnið 10,4 millj. kr. í styrki á árinu 2018.

Árið 2017 var viðburðarikt og fullt af áformuðum og óvæntum atburðum og gjörningum. Fjöldi samstarfsfólks kom og fór, gestir voru færri en á árinu 2016 og mikill tími fór í pökkun safnmuna, ljósmyndun og skráningarvinnu. Starfsmenn safnsins voru alls 15. Í árslok eru 6 starfsmenn í 4,3 stöðugildum.