Á laugardaginn lagði um 200 manns leið sína í Glaumbæ þar sem hrekkjavakan var haldin með pompi og prakt!
Gamli bærinn hafði fengið á sig skuggalega mynd og draugalegar verur leyndust í hverju horni. Í baðstofunni lifnuðu skagfirskar draugasögur við með skuggalísum, í Áshúsi var boðið upp á hryllilega bragðgóðar veitingar og í Áshúskjallara fengu gestir að gefa skelfilegri sköpunargleði lausan tauminn! 
Og ekki lét næturhimininn sitt eftir liggja heldur sveipaði Glaumbæ dulúð með dansandi norðurljósum!
Við þökkum öllum kærlega fyrir komuna og vonum að þið hafið skemmt ykkur konunglega!