Áshúsið er opið safngestum alla daga frá kl. 10:00 til 17:00 frá 20. maí til 31. ágúst. Frá 1. til 20 september er kaffistofan opin alla daga frá 10:00 til 16:00. Frá 21. september til 20. október er lokað um helgar, líkt og á safninu. Kaffistofan er opin samkvæmt samkomulagi yfir vetrarmánuðina en nauðsynlegt er að panta með a.m.k. 2 daga fyrirvara.
Í Áshúsinu er hugguleg kaffistofa sem spilar stórt hlutverk í safnheimsókninni og felst í að gefa gestum safnsins tækifæri til að bragða á og njóta veitinga að hætti ömmu og mömmu og upplifa stemningu liðins tíma.
Kaffistofan er í húsi sem flutt var að Glaumbæ frá Ási í Hegranesi og stendur sunnan í gamla bæjarhólnum. Í Áshúsinu er boðið upp á veitingar eins og á borð voru bornar hjá húsmæðrum á 20. öld og ilmar húsið af nýbökuðu bakkelsi, kaffi og heitu súkkulaði. Einnig er boðið upp á hádegismat. Í húsinu má líka sjá sýningar safnsins sem gefa kaffihúsinu skemmtilega og hlýlega umgjörð.
Ef þig langar í gamaldags góðgæti skaltu endilega koma við!
Æskilegt er að hópar panti með góðum fyrirvara. Hægt er að panta á netfangi safnsins byggdasafn@skagafjordur.is eða í síma 453 6173.
Athugið að hægt er að komast á hjólastól inn um bakdyr hússins. Hafið samband við starfsfólk til að það geti opnað bakdyrnar og sett upp ramp.
 |
Þetta merki stendur fyrir Matarkistan Skagafjörður - skagfirskt hráefni og matarhefðir. |
 |
|