Fréttir

Þriggja daga námskeið í torfhleðslu var haldið á Tyrfingsstöðum dagana 10-12. september sl. Á námskeiðinu var haldið áfram að hlaða upp veggi hlöðunnar norðan við gamla bæjarhúsið.

Dagana 19-20 og 26-27 maí sl. var ráðist í framkvæmdir á Tyrfingsstöðum, en þá var klárað að reisa þak og tyrfa yfir „fjárhúsin út og niður“, sem svo eru kölluð.

Þann 7. maí næstkomandi verður spennandi málþing í boði á vegum Earth Build Europe (EBUKI). Málþingið hefst kl. 8.45 (GMT). / Earth Build Europe (EBUKI) is hosting a conference, Friday 7th of May 2021, starting at 8:45 am (GMT).

Hátt í 150 manns lögðu leið sína fram á Kjálka í Skagafirði laugardaginn 31. ágúst, þegar gömlu húsin á Tyrfingsstöðum voru opnuð gestum og gangandi. Viðburðurinn Opið hús á Tyrfingsstöðum var haldinn í tengslum við Menningarminjadaga Evrópu 2019. Gestum var boðið að ganga um húsin og fræðast um uppbygginguna sem hefur átt sér stað á síðustu árum. Boðið var upp á kaffi og meðlæti, en Kristín Jóhannsdóttir, bóndi á Tyrfingsstöðum, sá um að steikja lummur. Var það í fyrsta skipti í hartnær 50 ár sem kveikt var upp í eldavél í gamla bænum. Sigríður Sigurðardóttir sagði frá tilurð Fornverkaskólans og Tyrfingsstaðaverkefninu.

Næsta námskeið Fornverkaskólans verður haldið á Tyrfingsstöðum 11.-14. júní 2019. Á námskeiðinu verður hlaðin fjóshlaða og reist grind í fjárhúsin suður og niður (voru síðast hesthús). Verð: 65.000 kr. Innifalið eru verkfæri, efni og léttur hádegisverður. Við minnum á að fjölmörg stéttarfélög styrkja þáttöku í námskeiðum. Fyrir frekari upplýsingar og skráningu á námskeiðið vinsamlegast hafið samband við Bryndísi Zoëga: bryndisz@skagafjordur.is.

Fornverkaskólinn fékk á dögunum 550.000 kr. styrk úr Uppbyggingasjóði. Styrkurinn er námskeiðahalds og verða tvö námskeið haldin í sumar. Dagsetning er enn óákveðin en verður auglýst bæði hér og á Facebook síðu Fornverkaskólans og víðar. Uppbyggingasjóður hefur stutt dyggilega við bakið á Fornverkaskólanum undanfarin ár og í raun verið grundvöllur þess að hægt hefur verið að halda verkefninu gangandi. Við erum sjóðnum afar þakklát fyrir þann stuðning og þann velvilja sem hann hefur sýnt verkefninu.

Fornverkaskólinn óskar ykkur gleðilegra jóla og farsældar á komandi ári. Við þökkum samfylgdina á árinu.

Dagana 24-27. maí 2018 verður haldið námskeið í torfhleðslu- og grindarsmíði á Tyrfingsstöðum í Skagafirði. Námskeiðsgjald fyrir 4 daga er 65.000 kr. og þar af er 15.000 kr. skráningargjald sem greiða skal fyrir 1. maí. Áhugasamir hafi samband við Bryndísi Zoëga á netfangið bryndisz@skagafjordur.is. Innifalinn er léttur hádegisverður og öll verkfæri eru á staðnum en nemendur verða sjálfir að sjá um gistingu.

Fornverkaskólinn fékk á dögunum 500.000 kr. frá Uppbyggingarsjóði Norðurlands vestra til þess að halda námskeið í torfhleðslu á Tyrfingsstöðum. Það er í því ljóst að við munum bjóða upp á námskeið í sumar en ekki hefur verið tekin endanleg ákvörðun um hvenær en það verður auglýst um leið og það liggur fyrir. Fornverkaskólinn þakkar Uppbyggingarsjóði fyrir styrkinn og styrkina í gegnum árin en sjóðir ur styrknum hafa á undanförnum árum reynst grunndvöllur námskeiðum okkar.

Það verður haldið torfhleðslunámskeið á Tyrfingsstöðum 26.-28. maí 2017. Námskeiðið er þriggja daga og verður áhersla lögð á torfhleðslu, -skurð og stungu. Á námskeiðinu verður gert við veggi hesthússins "suður og niður". Kennari verður Helgi Sigurðsson hjá Fornverki ehf. Innifalið: áhöld, efni og léttur hádegiverður. Verð er 50.000 kr. og við minnum á að fjölmörg stéttarfélög veita styrki fyrir námskeiðskostnaði. Frekari upplýsingar fást hjá Bryndísi Zoëga, bryndisz@skagafjordur.is.

Við stefnum að því að vera með námskeið í torfhleðslu um mánaðarmótin maí/júní. Dagsetning og nákvæmara fyrirkomulag verður auglýst bráðlega. Fyrir frekari upplýsingar má hafa samband við Bryndísi á netfangið bryndisz@skagafjordur.is eða í síma 860-2926. We are planning on having a seminar in building with turf by the end of May or beginning of June. Exact dates and further information will be posted soon. If you have any questions please contact Bryndís bryndisz@skagafjordurs.is.

Torfhleðslunámskeiði sem átti að vera á Tyrfingsstöðum dagana 30. maí - 2. júní. hefur verið aflýst vegna ónógrar þátttöku. Ekki hefur verið tekin ákvörðun um næsta námskeið en það verður auglýst á heimasíðunni.

Torfhleðslunámskeið verður haldið á Tyrfingsstöðum í Skagafirði daga 30. maí-2. júní. Námskeiðsgjald er sem fyrr 65.000 kr. og kennari Helgi Sigurðsson hjá Fornverki ehf. Nánari upplýsingar má finna hér á síðunni undir Námskeiðin eða hjá Bryndísi í síma 8602926 eða á netfangið bryndisz@skagafjordur.is

Námskeið verður í torfhleðslu- og grindasmíði á Tyrfingsstöðum í Skagafirði 7.-10. september 2015. Allar nánari upplýsingar má fá hér eða hjá Bryndísi í síma 860 2926 eða á netfangið bryndisz@skagafjordur.is.

Náttúruverndarsjóður Pálma Jónssonar stofnanda Hagkaups veitti Fornverkaskólanum 300.000 kr. styrk til þess að halda námskeið í torfhleðslu á Tyrfingsstöðum í haust.

Fornverkaskólinn fékk 300.000 kr. til námskeiðahalds á Tyrfingsstöðum úr Uppbyggingasjóði Norðurlands vestra á dögunum. Með tilkomu styrksins er tryggt að hægt verður að halda námskeið í Torfhleðslu og grindasmíði á þessu ári. Námskeiðið verður haldið 7. -10. september 2015. Nánari upplýsingar um námskeiðið eru hér.

Gamla heimasíða Fornverkaskólans hefur gengið sér til húðar tæknilega séð og hefur hún þessvegna verið flutt undir heimasíðu Byggðasafns Skagfirðinga.